A Journey of Tr. Venkatesh Gajula from Slow Learning to Best Teaching | అభ్యసనలో వెనుకబాటు నుండి ఉత్తమ బోధన వరకు టీచర్ గాజుల వెంకటేష్ గారి ప్రయాణం

అభ్యసనంలో వెనుకబాటు నుండి ఉత్తమ బోధన వరకు Tr. గాజుల వెంకటేష్ గారి ప్రయాణం :

Tr. వెంకటేష్ గాజుల, SGT, MPPS ఉప్పునుంతల (బాలుర) .

భారత్ విద్యా ఉద్యమం/Educate India Movement వ్యవస్థాపకులుగా & బహుజన ఉపాధ్యాయ సంఘం (BTA) నాగర్ కర్నూల్ జిల్లా అధ్యక్షులుగా  పేద విద్యార్థులకు నాణ్యమైన విద్యను అందించడానికి, అందరికీ జ్ఞానాన్ని అందించడం కోసం, సమాజ చైతన్యం కోసం, మెరుగైన సమాజం కోసం మహనీయుల స్ఫూర్తితో ఎన్నో విద్యా మరియు సామాజిక కార్యక్రమాలు చేయడం జరుగుతుంది.

నా పేరు గాజుల వెంకటేష్, పుట్టిన తేది:10-08-1988. మా అమ్మ పేరు లక్ష్మీదేవి, నాన్న పేరు వీరనారాయణ.

నేను ప్రస్తుతం ప్రభుత్వ ఉపాధ్యాయుడిగా బాలుర ప్రాథమిక పాఠశాల ఉప్పునుంతలలో పనిచేస్తున్నాను.

మాది నల్లమల అడవుల్లో ఉండే మారుమూల గ్రామం మాధవానిపల్లి, అమ్రాబాద్ మండలం, నాగర్ కర్నూల్ జిల్లా, తెలంగాణ రాష్ట్రం. 

మా అమ్మ, నాన్న ఇద్దరూ నిరక్షరాస్యులు. చదువుకోకపోవడం వల్ల ఇబ్బందులు ఎదుర్కున్న వారు,  ఎంతో కష్టపడి మమ్మల్ని చదివించారు.

నేను ప్రాథమిక విద్యను మా గ్రామంలోనే పూర్తి చేశాను. తర్వాత గురుకుల ప్రవేశ పరీక్ష రాస్తే నాకు సీటు రాలేదు. అప్పుడు మా బాబాయ్ గాజుల వీరభద్రయ్య మా నాన్న తమ్ముడు తనకున్న పరిచయాలతో సాంఘిక సంక్షేమ గురుకుల పాఠశాల లింగాలలో సీటు ఇప్పించడం జరిగింది. ఈ పాఠశాలలోనే 6వ తరగతిలో 1998 సంవత్సరంలో చేరి 10వ తరగతి వరకు చదువుకున్నాను.

2002 మే నెల వేసవి సెలవుల్లో అచ్చంపేటలో మా చిన్నమ్మ చంద్రకళ, బాబాయ్ Tr. రఘుమయ్య, LFLHM గారి దగ్గర ఒక నెల పాటు ఉండి 10వ తరగతి అడ్వాన్స్ కోచింగ్ వెళ్లి, అక్కడ బేసిక్స్ నేర్చుకున్నాను. ఇక్కడ మిత్రుడు వెంకటేశ్వర్లు సందేహాల నివృత్తిలో సహాయపడ్డారు. 9వ తరగతి వరకు ఇంగ్లీష్ & గణితంలో బార్డర్ మార్కులతో పాస్ అవుతూ వచ్చిన నేను 10వ తరగతి వార్షిక పరీక్షల్లో ఇంగ్లీషులో 83, గణితంలో 99 మార్కులు తెచ్చుకోగలిగాను.

ఆ సంవత్సరం మా పాఠశాల TSWRS&JC లింగాల లో గణితంలో ఇవే అత్యధిక మార్కులు.

ఆ సంవత్సరమే ఉద్యోగంలో చేరిన గణిత ఉపాధ్యాయులు నర్సింహ సార్ బాగా ప్రోత్సహించేవారు.

9వ తరగతి వరకు గణితం అర్థంకాక వేరే వాళ్ళ నోటు పుస్తకాలు తీసుకుని చేసే నేను పదో తరగతిలో మా మిత్రులకు ఎంతో మందికి గణితం అర్థమయ్యేలా చెప్పేవాడిని.

ఈ సంఘటన నా జీవితంలో గొప్ప మార్పును తెచ్చింది .

అదే విధంగా TSWRS&JC అచ్చంపేటలో ఇంటర్మీడియట్ ద్వితీయ సంవత్సరం చేస్తున్నప్పుడు మా గణిత లెక్చరర్ రామచంద్ర రెడ్డి సారు నాతోపాటు ముగ్గురు మిత్రులతో ఇంటర్ మొదటి సంవత్సరం విద్యార్థులకు మ్యాథ్స్ చెప్పించారు.

అలా నేను మా జూనియర్స్ కి మ్యాథ్స్ నాలుగు చాప్టర్లు చెప్పాను.

ఇలా టీచింగ్ చేయడంలో ఆనందం, తృప్తి ఆస్వాదించగలిగాను.

గణితంలో బేసిక్స్ నేర్చుకోవడం ద్వారా నా ఎడ్యుకేషన్‌లో వచ్చిన మార్పు ఇంకా నాలాంటి ఎంతోమంది ఎడ్యుకేషన్‌లో మార్పు రావాలని నా డిగ్రీ మొదటి సంవత్సరం పూర్తయిన తర్వాత 2006 మే నెలలో మా గ్రామం మాధవాని పల్లిలో GVNLD ట్యుటోరియల్(మా నాన్న&అమ్మ గారి పేరునా గాజుల వీరనారాయణ&లక్ష్మీ దేవి టుటోరియల్) ద్వారా ఉచితంగా ఇంగ్లీష్ గ్రామర్ మరియు 10వ తరగతి అడ్వాన్స్ మ్యాథ్స్ బోధించడం ప్రారంభించాను. అలా ప్రతి వేసవి సెలవులలో నాకు ప్రభుత్వ ఉపాధ్యాయ ఉద్యోగం వచ్చేవరకు(2010) నాలుగు సంవత్సరాల పాటు ఈ ఉచిత బోధన చేశాను.

ఈ బోధనలో ఈ రోజు చెప్పిన వాటిపై రేపు స్లిప్ టెస్ట్ నిర్వహించే వాడిని. ఇలా ప్రతిరోజు స్లిప్ టెస్ట్, వారానికి వీక్లీ టెస్ట్ కోచింగ్ మొత్తం అయిపోయిన తర్వాత గ్రాండ్ టెస్ట్ నిర్వహించి ప్రతిభ కనబరిచిన విద్యార్థులకు అప్పటి గ్రామ సర్పంచ్ గౌరవనీయులు అంజమ్మ గారితో & విద్యా కమిటీ చైర్మన్ గౌరవనీయులు గాజుల చెన్నకిష్టయ్య గారితో బహుమతులు ఇప్పించాను. అప్పుడు నా వద్ద ఉచిత బోధన పొందిన వారు తర్వాత ఉన్నత విద్యలను పొంది ప్రభుత్వ ఉపాధ్యాయులుగా, ఉద్యోగులుగా కూడా స్థిరపడడం చాలా సంతోషం. 

2007 సంవత్సరంలో మిత్రులతో రిక్రియేషన్ క్లబ్ ను ఏర్పాటు చేసి పర్యావరణ సమతుల్యత కోసం చెట్లను పెంచే కార్యక్రమాన్ని చేపట్టడం జరిగింది. 

2006-08 లో మహబూబ్ నగర్ ప్రభుత్వ డైట్ కళాశాలలో 71 మార్కులతో సీటు పొంది డి.ఎడ్ కోర్స్ పూర్తి చేసి 2008 డిఎస్సీ ద్వారా 70 మార్కులతో ఓపెన్ కాటగిరీలో ఎస్జీటీ ఉద్యోగం సాధించి బల్మూరు మండలం, తుమ్మన్ పేట ప్రాథమిక పాఠశాలలో జాయిన్ అయ్యాను.

ఇక్కడ సుమారు 8 సంవత్సరాల పాటు విద్యార్థులకు నాణ్యమైన విద్యనందించడానికి కృషి చేశాను. కొత్తగా ప్రభుత్వ ఉపాధ్యాయ ఉద్యోగంలో చేరిన నేను ఈ పాఠశాలలో ఉపాధ్యాయులుగా పనిచేసిన నాగిళ్ల శ్రీశైలం సార్, పి. రాంగోపాల్ గౌడ్ సార్ ల నుండి విద్యారంగంలోని వివిధ విషయాలు తెలుసుకోవడం జరిగింది. 

ఇక్కడ ఉన్నప్పుడే ఇన్ సర్వీస్‌లో 2015-17 బి.ఎడ్ పూర్తి చేశాను.

TLM/కట్టె పుల్లలతో ఎక్కాలు నేర్పడం

 

            అగ్గిపెట్టెలతో ట్రైన్ తయారు చేయడం

ప్రాథమిక స్థాయి నుండి పొదుపు నేర్పడం కోసం చిల్డ్రన్ బ్యాంక్ నిర్వహణ: అకౌంట్ పాస్ బుక్ లతో విద్యార్థులు

ప్రాథమిక పాఠశాల తుమ్మన్పేట నుండి బదిలీ అయిన సందర్భంగా విద్యార్థులతో.

జ్ఞానం వికసించాలంటే గ్రంథాలయం అవసరం కాబట్టి మా గ్రామంలో పంచాయతీ కార్యాలయం లోనే 2013 అక్టోబర్‌ నెలలో నాతో పాటు తమ్ముళ్లు ప్రభుత్వ ఉపాధ్యాయులు కుంద చెన్నకేశవులు , కుంద వెంకటేష్ గారి ఆర్థిక సహకారంతో అవసరమైన పుస్తకాలను సేకరించి గ్రామ పెద్దలు & యువకుల సహకారంతో అంబేద్కర్ విజ్ఞాన కేంద్రం ఏర్పాటు చేయడం జరిగింది.

ఆదునిక కాలంలో అభివృద్ధి చెందిన టెక్నాలజీని ఉపయోగించుకొని 2017 మే నెలలో Tenses Spoken English వీడియోలు రూపొందించి venkatbta యూట్యూబ్ ఛానెల్‌లో ఉంచడం జరిగింది.

https://www.youtube.com/playlist?list=PLLC2MA6rGfS1PmNrSaru5205RvSTNVDOC

ఈ వీడియోలకు సుమారు లక్ష యాబై వేల వీక్షణలు వచ్చాయి.

నేటి ఆధునిక సమాజంలో గణితం, ఇంగ్లీష్ తో పాటు కంప్యూటర్ ఎడ్యుకేషన్ కూడా చాలా అవసరం కాబట్టి 2018 మే నెల వేసవి సెలవుల్లో మళ్ళీ మా గ్రామంలో సమత కంప్యూటర్ పేరునా మా ఇంటి వద్ద ఉన్న ఒక గదిలోనే మా కుటుంబ సభ్యుల సహకారంతో నేను మా తమ్ముడు శంకర్ గాజుల ఉచిత కంప్యూటర్ ఎడ్యుకేషన్ అందించడం జరిగింది.

ఉచిత కంప్యూటర్ శిక్షణను ప్రారంభించిన మా అమ్మ నాన్న :

https://youtu.be/6tY-p7n5twU

ఉచిత కంప్యూటర్ శిక్షణపై గ్రామ పెద్దలు & యువకుల స్పందన:

https://youtu.be/F36AJPrd0Mg

2018లో CCE Grading Excel సాఫ్ట్‌వేర్ ని విద్యార్థులకు వచ్చిన మార్కులతో అన్ని రకాల గ్రేడింగ్ నివేదికలు వచ్చేటట్లు తయారు చేసి www.venkatbta.com వెబ్‌సైట్‌లో పోస్ట్ చేయడం జరిగింది.

https://www.venkatbta.com/2018/10/new-cce-grading-reports-software-v14_55.html

ఈ సాఫ్ట్‌వేర్ ని ఎలా ఉపయోగించాలో వీడియోను యూట్యూబ్ లో ఉంచడం జరిగింది.

https://youtu.be/yXRea1gL5Ps

ఈ CCE గ్రేడింగ్ సాఫ్ట్‌వేర్ ఉపయోగించడం వల్ల అన్ని CCE గ్రేడింగ్ నివేదికలు పొందడంతో పాటు ఉపాధ్యాయుల విలువైన సమయం ఆదా అవుతుంది, అదేవిధంగా విద్యార్థుల గ్రేడింగ్ రిపోర్ట్‌లు అన్ని ఉపాధ్యాయుల మొబైల్‌లో ఎప్పుడూ అందుబాటులో ఉంటాయి.

వీటిని సుమారు పది వేల మందికి పైగా చూశారు. చాలా మంది ఉపాధ్యాయులు ఉపయోగిస్తున్నారు.

2018 జూలైలో ఉప్పునుంతల బాలుర ప్రాథమిక పాఠశాలకు బదిలీ కావడం జరిగింది.

ఇక్కడికి వచ్చేటప్పటికీ ఈ పాఠశాల పరిస్థితి దారుణంగా ఉంది.

హెడ్మాస్టర్ లక్ష్మీనారాయణ కల్ముల సార్ & నాతో పాటు స్టాఫ్ బాలమణి మేడం, శ్రీనివాస్ మనోపాడు సార్ అందరం కలిసి టీం వర్క్ తో పాఠశాల పరిస్థితి మార్చి పిల్లల సంఖ్యను పెంచే ప్రయత్నం చేశాం.

విద్యార్థులకు పాఠాలు సులభంగా అర్థమయ్యేలా TLM ఉపయోగించడంతో పాటు డిజిటల్ వీడియో పాఠాలతో బోధన చేస్తున్నాము.

సులభంగా తెలుగు వర్ణమాల నేర్పడం:

https://youtu.be/ja-RiMeq5Wo

సులభంగా గుణింతాలు నేర్పడం:

https://youtu.be/N-tij2afwRw

సులభంగా సంఖ్యలు నేర్పడం:

సంఖ్యలు ప్రాస :

https://youtu.be/7BBHrQ8mwSA

పాచికతో ఆడుతూ అంకెలు నేర్చుకోవడం:

https://youtu.be/5q7AiE9HlJc

అంకెలు ఎలా లెక్కించాలి:

https://youtu.be/QotC9Wft6Eo

అంకెలు ఎలా రాయాలి:

https://youtu.be/SkjxsYPwj3w

కర్రలతో సంఖ్యల పరిచయం:

https://youtu.be/gaVkNefLkCw

అబాకస్‌తో సంఖ్యలను నేర్చుకోండి:

https://youtu.be/1AWoRl7DFvA

పూసల దండ ఉపయోగించి సంఖ్యలు నేర్పడం :

https://youtu.be/q9KvC8kmEBM

ఇచ్చిన అంకెలతో సంఖ్యలు ఏర్పరచడం:

https://youtu.be/_naytgl9q5Y

ఇచ్చిన అంకెలతో ఏర్పడుతుంది మిక్కిలి పెద్ద సంఖ్య,మిక్కిలి చిన్న సంఖ్యలు రాయడం:

https://youtu.be/gyUBlNBe0QQ

సులభంగా ఎక్కాలు నేర్పడం:

https://youtu.be/tVFQRy_tuwA

చేతి వేళ్ళతో 9వ ఎక్కం:

https://youtu.be/iGiIG8xowCM

9వ టేబుల్ ట్రిక్స్:

https://youtu.be/41yhC4eyx3Y

19వ ఎక్కం సులభంగా గుర్తించుకోవడం:

https://youtu.be/chuUxzzYR2Q

100 వరకు ఎక్కాలు సులభంగా చెప్పడం:

https://youtu.be/QNkdvSBwH3o

సులభంగా English Alphabet నేర్పడం:

ఆల్ఫాబెట్ సాంగ్:

https://youtu.be/ML_FVIFERZM

అకారాది పదాలు:

https://youtu.be/dr0q_JbC_wM

ఆల్ఫాబెట్ ఎలా వ్రాయాలి:

https://youtu.be/vDKOnnlHBGQ

పండ్ల పేరు:

https://youtu.be/v29NIaqlsvo

మొబైల్‌లో పవర్ పాయింట్ స్లయిడ్‌లతో డిజిటల్ పాఠాలను ఎలా తయారు చేయాలి:

https://youtu.be/LuIp-zQHnEU

1వ తరగతి తెలుగు 1వ పాఠం తబల డిజిటల్ పాఠం:

మొదటి భాగం:

https://youtu.be/SSNNXvRjIAo

రెండవ భాగం:

https://youtu.be/5fCjkIvdaTI

6 నిమిషాల్లో 12 కాలాలు:

https://youtu.be/eIE6zfTICxc

ఏకాగ్రత కోసం ప్రతిరోజూ ఉదయం ప్రార్థన తరువాత 5 నిమిషాల పాటు విద్యార్థులతో ధ్యానం చేయించి నైతిక నియమాలను చదివిపిస్తాము.  

అదేవిధంగా 5వ తరగతి గురుకుల ఉమ్మడి ప్రవేశ పరీక్ష కోసం ప్రత్యేక తరగతులు నిర్వహిస్తున్నాము.

మండల స్థాయిలో అకడమిక్ మానిటరింగ్ టీంలో 

V TGCET 2019 లో ఐదుగురిని ఎక్జామ్ రాపిస్తే నలుగురికి సీట్లు వచ్చాయి.

హెడ్మాస్టర్ లక్ష్మీనారాయణ సార్ తన ఇంటి వద్ద ఉన్న కంప్యూటర్ ను పాఠశాలకు తీసుకొచ్చి విద్యార్థులకు అందుబాటులో ఉంచడం జరిగింది.

విద్యార్థులకు కంప్యూటర్ తో డిజిటల్ భోధన చేస్తూ ప్రాథమిక స్థాయి నుండే కంప్యూటర్ విద్యను అందించే ప్రయత్నం చేస్తున్నాం. 

విద్యార్థులతో ల్యాప్ టాప్ మోడల్ తయారు చేయించి టైపింగ్ నేర్పిస్తున్నాము. 

స్థానిక సర్పంచ్ కట్ట సరిత మేడంగారి సహకారంతో పాఠశాలకు రంగులు వేయించి పాఠశాలను చాలా అందంగా తయారు చేసాం.

తల్లిదండ్రుల అభిప్రాయం మేరకు 1వ తరగతి నుండి ఇంగ్లీష్ మీడియం ప్రారంభించాము.

నాడు: MPPS ఉప్పునుంతల బాలుర పాఠశాల

నేడు: MPPS ఉప్పునుంతల బాలుర పాఠశాల

మా పాఠశాలలో గురుకుల సీట్లు వచ్చిన విషయం తెలుసుకొని మా స్వంత చెల్లెలు కొడుకు అంటే మా మేనల్లుడు వరప్రసాద్ ను ప్రైవేటు పాఠశాల నుండి తీసి మా పాఠశాలలో చేర్పించారు. మా అల్లుడు మా దగ్గరే ఉండి నాతో పాటు పాఠశాలకు వచ్చి చదువుకునేవాడు.

యం.వరప్రసాద్

ఇంటి వద్ద నా జీవిత భాగస్వామి భౌతిక కూడా మా అల్లుడిని చదివించేది.

2020 మార్చిలో కరోనా వల్ల పాఠశాలలు మూతపడ్డాయి. ఏప్రిల్ లో గురుకుల 5వ తరగతి ప్రవేశాల కోసం venkatbta యూట్యూబ్ చానెల్ ద్వారా వీడియోలు రూపొందించి విద్యార్థులకు అందుబాటులో ఉంచడం జరిగింది. 

https://www.youtube.com/playlist?list=PLLC2MA6rGfS0FJbp_DuBv-8uXlsJb86mw

ఈ వీడియోలకు లక్ష వ్యూస్ వచ్చాయి.

V TGCET 2020 లో కూడా ఐదుగురిని ఎక్జామ్ రాపిస్తే మా అల్లుడితో పాటు మరో ఇద్దరికీ సీట్లు వచ్చాయి అంటే మొత్తం మూడు సీట్లు వచ్చాయి.

మా అల్లునికి సీటు వచ్చినందుకు మా వాళ్ళందరూ చాలా సంతోషపడ్డారు.

కరోనా వల్ల 2020 మార్చి నుండి 17 నెలల పాటు విద్యార్థులు పాఠశాలకు దూరం అయ్యారు.

గురుకుల పాఠశాలల్లో చదువుకొని ఒక ప్రభుత్వ ఉపాధ్యాయ ఉద్యోగం సాధించిన నేను నా జీవిత భాగస్వామి భౌతికతో కలిసి వేసవి/కరోనా సెలవుల్లో 2021 మే 21న మైక్రోసాఫ్ట్ టీమ్స్ యాప్ ద్వారా 5వ తరగతి గురుకుల ప్రవేశాల కోసం ఉచిత ఆన్‌లైన్ తరగతులను గౌరవనీయులు బల్మూర్, అచ్చంపేట & ఉప్పునుంతల మండలాల విద్యాధికారి రామారావు రామావత్ సార్ & ఉప్పునుంతల కాంప్లెక్స్ హెడ్‌మాస్టర్ హనుమంత్ రెడ్డి సార్ ల చే ప్రారంభించాము.

https://youtu.be/gaCC_KvKX3w

ఈ ఆన్‌లైన్ తరగతుల్లో ప్రత్యేకత ఏందంటే ఎవ్వరైనా ఎక్కడినుండైనా క్లాస్‌లో జాయిన్ కావచ్చు వారి ఇంట్లో ఉండి చూడొచ్చు. అలాగే మనం చెప్పే వీడియో& డిజిటల్ డిస్ప్లే పైన రాసిన అక్షరాలు కనిపిస్తాయి, అదేవిధంగా విద్యార్థులు మనకు కనిపిస్తారు, విద్యార్థులతో మనము ప్రత్యక్షంగా ఇంటరాక్ట్ కావచ్చు, వారు కూడా ఏమైనా అనుమానాలు ఉంటే మనల్ని లైవ్‌లో అడిగి నివృత్తి చేసుకోవచ్చు.

విజయవంతంగా 30 రోజులలో 4వ తరగతి తెలుగు, ఇంగ్లీష్, గణితము & పరిసరాల విజ్ఞానం లను V TGCET పరీక్షల దృష్ట్యా అన్ని పాఠాలను పూర్తి చేసి ఉచిత ఆన్‌లైన్ తరగతులు పూర్తి చేయడం జరిగింది.

ఉచిత ఆన్లైన్ కార్యక్రమాల కార్యక్రమంలో విద్యార్థులు, తల్లిదండ్రుల స్పందన:

https://youtu.be/hlwzKuiMiqc

గురుకుల 5వ తరగతి ఉమ్మడి ప్రవేశ పరీక్ష 2021 ఫలితాల్లో ఉచిత ఆన్‌లైన్ తరగతులకు హాజరైన 30 మంది విద్యార్థులకు సీట్లు రావడం జరిగింది. అదేవిధంగా యూట్యూబ్‌లో ఈ వీడియోలను లక్షకు పైగా విద్యార్థులు చూసారు. ఇందులో సీట్లు పొందిన వారు వందల్లో ఉంటారు.

గురుకుల ఆన్లైన్ తరగతుల గురించి రిటైర్డ్ MEO బాల్ జంగయ్య సార్ స్పందన: https://youtu.be/l6241-KxRQY

సీట్లు పొందిన వారిలో కొందరి వివరాలు:

కరోనా సమయంలో విద్యార్థులకు ఉచిత శిక్షణ ఇచ్చి చాలా మంది విద్యార్థులకు సీట్లు వచ్చే విధంగా కృషి చేసినందుకు BSI,BTA, అంబేద్కర్ యువజన సంఘం & దళిత బహుజన సంఘాలు అభినందనలు తెలిపారు.

మా ఇంటికి వచ్చి అభినందనలు తెలియజేసిన పెద్దలు, మిత్రులందరికీ ధన్యవాదాలు.

అభినందన సభ:

https://youtu.be/6KrsXUHgnT8

జ్ఞాన జ్యోతి సావిత్రి భాయి ఫూలే గారి 191వ జయంతి వేడుకల సందర్భంగా పేద విద్యార్థులకు నాణ్యమైన విద్యను అందించడానికి చేస్తున్న కృషికి గాను మాల ఉద్యోగుల ఐక్యవేదిక ఆధ్వర్యంలో సన్మానం. 

విద్యా వ్యాప్తికి విశేష కృషి చేస్తున్నందుకు గాను బుద్ధిస్ట్ ఎడ్యుకేషనల్ & సర్వీస్ ట్రస్ట్, అచ్చంపేట ఆధ్వర్యంలో సన్మానం. డాక్టర్ సి.ఎ. చైతన్య సార్ గారికి, డాక్టర్ ఎ.ప్రవీణ మేడం గారికి ధన్యవాదాలు.

వీడియో : https://youtu.be/ug_gK0kFCHU

పేద విద్యార్థులకు నాణ్యమైన విద్యను అందించేందుకు చేస్తున్న కృషి గాను బహుజన ఉపాధ్యాయ సంఘం(BTA) నాగర్ కర్నూలు జిల్లా కమిటీ ఆధ్వర్యంలో అభినందించడం జరిగింది. BTA నాగర్ కర్నూలు జిల్లా కమిటికీ ధన్యవాదాలు. 

V TGCET 2021లో మన బాలుర ప్రాథమిక పాఠశాల నుండి కూడా ఐదుగురిని పరీక్ష రాయిస్తే నలుగురికి సీట్లు వచ్చాయి.

నేను పనిచేస్తున్న మన బాలురు ప్రాథమిక పాఠశాల ఉప్పునుంతల ప్రభుత్వ పాఠశాలలోనే మా బాబు గౌతమ్ ను చేర్చి నాణ్యమైన విద్యను మా విద్యార్థులతో పాటు అందించాలని నిర్ణయం తీసుకోవడం జరిగింది. 

దీనివల్ల మనపైన మరింత బాధ్యత పెరుగుతుంది. తల్లిదండ్రులకు కూడా మన పాఠశాల పైన నమ్మకం పెరుగుతుంది.

https://youtu.be/NpnaG8JjHiM

జూన్ 30, 2021న మండల విద్యాశాఖాధికారి గౌరవనీయులు రామారావు సార్ మరియు ఉప్పునుంతల కాంప్లెక్స్ హెడ్ మాస్టర్ గౌరవనీయులు హనుమంత్ రెడ్డి సార్ గారి సమక్షంలో మా కుమారుడు గౌతమ్ మరియు మేనల్లుడు విద్యాసాగర్‌ లను నేను పనిచేస్తున్న మన ప్రభుత్వ బాలుర ప్రాథమిక పాఠశాల ఉప్పునుంతల లో చేర్పించడం జరిగింది.

https://youtu.be/XD2UXC6rNIc

ప్రభుత్వ పాఠశాలలోనే పిల్లలను ఎందుకు చేర్పించాలి:

https://youtu.be/MfTFi3p9BPU

మన బాలుర ప్రాథమిక పాఠశాల ఉప్పునుంతలలో విద్యార్థులకు నాణ్యమైన విద్యను అందించడానికి చేస్తున్న వివిధ కార్యక్రమాలను విద్యార్థుల తల్లిదండ్రులకు వివరించడం వల్ల పాఠశాలలో విద్యార్థుల సంఖ్య పెరిగింది. 

పాఠశాలలో మౌళిక వసతులు కల్పన కోసం బడికి చందా ఇంటికి వంద అనే కార్యక్రమం నిర్వహించడం జరుగుతుంది. ఈ కార్యక్రమంలో ముందుగా ప్రధానోపాధ్యాయులు లక్ష్మీ నారాయణ, ఉపాధ్యాయులు బాలమణి, వెంకటేష్ లు ఒక్కొక్కరు వెయ్యి రూపాయల చొప్పున బడికి చందా ఇచ్చారు. తర్వాత SMC చైర్మన్ రాములు గారు కూడా వెయ్యి రూపాయలు బడికి చందా ఇచ్చారు. విద్యార్థులు స్వచ్చందంగా వంద రూపాయలు ఇచ్చి పాఠశాల అభివృద్ధిలో భాగస్వామ్యం కావాలని కోరడం జరిగింది.

పాఠశాలకు వెయ్యి రూపాయల చందాను ప్రధానోపాధ్యాయులకు అందించడం జరిగింది.

టెక్నాలజీని పాఠశాలలో విద్యా విషయాలకు ఉపయోగించడానికి ప్రభుత్వం 2023-24 విద్యా సంవత్సరం లో ప్రతి పాఠశాలకు ఒక ట్యాబ్ ని ఇవ్వడం జరిగింది. 

మన బాలుర ప్రాథమిక పాఠశాల ఉప్పునుంతలలో 2020-21 విద్యా సంవత్సరం నుండే ట్యాబ్ ను ఉపయోగించి విద్యార్థులకు డిజిటల్ పాటలు బోధించడం జరుగుతుంది. అదేవిధంగా పాఠశాల వివిధ రిపోర్టులను ట్యాబ్ లోనే తయారు చేయడం జరుగుతుంది. 

ట్యాబ్ ద్వారా విద్యార్థులకు డిజిటల్ వీడియో పాఠాల భోధన: https://youtu.be/Dla5BVdVLmU

కరోనా పరిస్థితుల నేపథ్యంలో బడులు తెరిచే పరిస్థితి లేదు. కాబట్టి విద్యార్థులకు విద్య అందించాలంటే డిజిటల్ ఆన్‌లైన్ బోధన ఒక్కటే ఇప్పుడున్న మార్గం. కానీ కొద్ది మంది ఉపాధ్యాయులకే డిజిటల్ టెక్నాలజీపై అవగాహన ఉంది. అందుకే ఎక్కువ మంది ఉపాధ్యాయులకు ఈ డిజిటల్ ఆన్‌లైన్ బోధన అంశాల పట్ల అవగాహన కల్పిస్తే వారందరూ డిజిటల్ ఆన్‌లైన్ బోధన ద్వారా ఎక్కువ మంది విద్యార్థులకు విద్యను అందిస్తారు.

కాబట్టి ఉపాధ్యాయుల కోసం ఉచిత డిజిటల్ బోధన పైన 5రోజుల శిక్షణను 03-08-2021 న ప్రారంభించడం జరిగింది.

ఆన్‌లైన్ శిక్షణ షెడ్యూల్:

క్రింది తేదీలలో

ఉదయం 11:30 గం.ల నుండి మధ్యాహ్నం 12:30 గం.ల వరకు ఉంటుంది.

👉03-08-2021: పవర్ పాయింట్ ప్రజెంటేషన్ స్లైడ్ లు రూపొందించడం 

(ప్రస్తుతం DD Yadagiri/ T-SAT లో ప్రసారం అవుతున్న డిజిటల్ పాఠాలు వీటి ఆధారంగానే చెప్తున్నారు)

1వ రోజుల వీడియో లింక్: https://youtu.be/bJrJ3KTJ-p4

👉 05-08-2021: స్ర్కీన్ రికార్డింగ్ & వీడియో ఎడిటింగ్

(పవర్ పాయింట్ ప్రజెంటేషన్ స్లైడ్ లతో బోధిస్తూ స్క్రీన్ రికార్డింగ్ చేసి వీడియో ఎడిటింగ్ చేయడం)

2వ రోజు వీడియో లింక్:  https://youtu.be/W_H-mr418dU

👉07-08-2021: Kinemaster యాప్ ద్వారా డిజిటల్ వీడియో ఎడిటింగ్

3వ రోజు వీడియో లింక్:  https://youtu.be/RzTFCyKVpTg

👉10-08-2021: గూగుల్ ఫామ్స్ ద్వారా వర్క్‌షీట్‌లు/అసైన్‌మెంట్స్ రూపొందించడం

4వ రోజు వీడియో లింక్: https://youtu.be/HA2DStYk88U

👉12-08-2021: జూమ్ యాప్ ద్వారా ఆన్‌లైన్ బోధన చేయడం.

5వ రోజు వీడియో లింక్:  https://youtu.be/7ahhCs_4-_E

ఉపాధ్యాయుల కోసం నిర్వహించిన ఆన్‌లైన్ డిజిటల్ బోధనా శిక్షణకు అనూహ్య స్పందన:

https://youtu.be/6RHPbUw7968

https://youtu.be/8Og_WRl4xaQ

https://youtu.be/o6DLPjssxIU

ఈ శిక్షణ గురించి నాగర్ కర్నూల్ జిల్లా AMO సతీష్ సార్ సందేశం:

https://youtu.be/DFWAL2kbntY

కరోనా మహమ్మారి వలన 17 నెలల నుండి విద్యార్థులు పాఠశాలలకు దూరంగా ఉండటం ద్వారా వారిలో చాలామంది గతంలో నేర్చుకున్న విషయాలు కూడా మరిచిపోతున్నారు. బేసిక్స్ కూడా మరిచిపోతున్నారు.

అందుకే వారికి తెలుగు, ఇంగ్లీష్ & గణితం విషయాలలో ప్రాథమిక అంశాలను నేర్పడం కోసం Basics Learning Programme (BLP) ఉచిత ఆన్లైన్ తరగతును ఆగస్టు 20 నుండి ప్రారంభించడం జరిగింది.

ఈ ఆన్లైన్ తరగతులు సోమవారం నుండి శనివారం వరకు రోజు సాయంత్రం 5 గం.లకు నుండి 6 గం.ల వరకు ఉంటుంది.

ఈ 1 గంటలో 

5 నిమిషాలు : ధ్యానం (Meditation)

5 నిమిషాలు: కథ/పాట/గేయం

40 నిమిషాలు: విషయ బోధన

10 నిమిషాలు: విద్యార్థుల అనుమానాల నివృత్తి.

ఈ ఉచిత ఆన్లైన్ క్లాస్ వినాలనుకునే వారు ముందుగా మీ పేరు, వాట్సాప్ నెంబర్, తరగతి, పాఠశాల, చిరునామా తో రిజిస్ట్రేషన్ చేసుకోవాలి.

👉BLP రిజిస్ట్రేషన్ ఫామ్:

https://forms.gle/Tq5iQWympZJ5uBhZA

👇అదేవిధంగా BLP వాట్సాప్ గ్రూప్ లో జాయిన్ కావాలి.

👉BLP వాట్సాప్ గ్రూప్ లింక్:

Group1:

https://chat.whatsapp.com/LLy57K5ZFQL80Hbc1a8AA1

Group2:

https://chat.whatsapp.com/F5sk1XahyxW2hzJh07yHyy

 👉BLP ఆన్లైన్ క్లాస్ లో మైక్రోసాఫ్ట్ టీమ్స్ ఆప్ తో ఎలా జాయిన్ కావాలి:

https://youtu.be/Nj4mbBvfc5M

👇 క్రింది లింక్ ను క్లిక్ చేసి మీ మొబైల్ లో టీమ్స్ యాప్ ను డౌన్లోడ్ చేసుకోండి.

👉మైక్రోసాఫ్ట్ టీమ్స్ యాప్ లింక్:

https://play.google.com/store/apps/details?id=com.microsoft.teams

👇తర్వాత ఆన్లైన్ క్లాస్ ప్రారంభ సమయానికి క్రింది లింక్ ను క్లిక్ చేసి టీమ్స్ యాప్ ని సెలెక్ట్ చేసుకుని మీ పేరు ఎంటర్ చేసి Join Meeting పైన క్లిక్ చేస్తే మీరు ఆన్లైన్ క్లాస్ లో జాయిన్ అవుతారు.

👉ఆన్లైన్ క్లాస్ లింక్:

https://teams.microsoft.com/l/meetup-join/19%3ameeting_YTZiMzJjZDEtZjEwNC00ZjlmLTg0M2ItNTRjNTRmYWE5ODll%40thread.v2/0?context=%7b2%2030thread.v2/0?context=%2254023a36B26B26B20B6 %22Oid%22%3a%22e11bc5ea-f97e-4d43-860a-0d97a2082ef7%22%7d

ఈ BLP ఆన్లైన్ తరగతులకు మన తెలంగాణ రాష్ట్రంలోని అన్ని జిల్లాల నుండి విద్యార్థులు హాజరవుతున్నారు.

BLP ఆన్‌లైన్ తరగతి మొదటి రోజు వీడియో లింక్:

https://youtu.be/ynP2HjbzUpw

ఈ BLP పై నాగర్ కర్నూల్ జిల్లా అకాడమిక్ మానిటరింగ్ ఆఫిసర్ (AMO) సతీష్ సార్ సందేశం:

https://youtu.be/4TtkQjKknOk

బేసిక్స్ లెర్నింగ్ ప్రోగ్రామ్ అన్ని తరగతులు: https://www.youtube.com/playlist?list=PLLC2MA6rGfS2rsM3nSbGI-gb0DwsWOVZ-

విద్యార్థులు ఆన్‌లైన్ క్లాస్ విన్న తర్వాత వారికి హోమ్ వర్క్ కూడా వాట్సాప్ గ్రూప్ లో పంపించడం జరుగుతుంది.

వారు వాటికి సమాధానాలు రాసి వాట్సాప్ లో పంపుతున్నారు.

వాటిని సరిదిద్ది వారికి వాట్సాప్ లో పంపించడం జరుగుతుంది.

కష్టకాలంలో పేద విద్యార్థులకు విద్యను అందించడానికి చేస్తున్న వివిధ కార్యక్రమాలను ఉప్పునుంతల మండల తహశీల్దార్ కృష్ణయ్య సార్ తెలుసుకొని తానే స్వయంగా మన బాలుర ప్రాథమిక పాఠశాల ఉప్పునుంతలకు ఈ రోజు (04-09-2021) మధ్యాహ్నం 2గం.లకు వచ్చి అభినందించడం జరిగింది. నేను చేస్తున్న కృషిని గుర్తించి స్వయంగా మా పాఠశాలకు వచ్చి ప్రోత్సహించిన తహశీల్దార్ కృష్ణయ్య సార్ కు హృదయపూర్వక ధన్యవాదాలు.

సెప్టెంబర్ 25, 2021 రోజున నా పెద్ద కొడుకు గాజుల గౌతమ్ తన 8వ పుట్టినరోజును తాను చదువుకుంటున్న మన ప్రభుత్వ ప్రాథమిక పాఠశాల ఉప్పునుంతలలో చాలా ఆనందంగా జరుపుకోవడం జరిగింది.

ఈ సందర్భంగా తాను గళ్ళబుడ్డిలో దాచుకున్న వెయ్యి రూపాయలతో తన తోటి 100 మంది విద్యార్థులకు పెన్నులు, పెన్సిళ్ళు, ఎరేసర్ లు, షార్ప్ నర్లు, బలపాలు మరియు అత్యంత పేద విద్యార్థులకు వాటితో పాటు 10 నోటు పుస్తకాలను అందించడం జరిగింది.

పాఠశాల విద్యార్థులు చాలా సంతోషించారు, పుట్టిన రోజు శుభాకాంక్షలు తెలియజేసారు.

ప్రధానోపాధ్యాయులు లక్ష్మీ నారాయణ సార్, ఉపాధ్యాయురాలు బాలమణి మేడం ఇలా తోటి విద్యార్థులకు ఇచ్చినందుకు గౌతమ్ ని అభినందించారు, పుట్టిన రోజు శుభాకాంక్షలు తెలియజేసి ఆశీర్వదించారు.

ఇలా పేద విద్యార్థుల మధ్య, ప్రభుత్వ పాఠశాలలో పుట్టిన రోజు జరుపుకోవడం చాలా సంతోషంగా ఉంది.

V TGCET 2022, మొదటి విడత ఫలితాలలో మా అల్లుడు విద్యా సాగర్‌తో పాటు మరో ఇద్దరు విద్యార్థులకు 5వ తరగతి గురుకుల సీట్లు వచ్చాయి. రెండవ విడత ఫలితాల్లో మరో ఇద్దరికీ సీట్లు, మూడో విడత ఫలితాల్లో మరో ఇద్దరికీ సీట్లు రావడం జరిగింది. మొత్తం ఏడు సీట్లు వచ్చాయి.

ప్రతి సంవత్సరం గురుకుల సీట్లు సాధిస్తున్న మన పాఠశాల విద్యార్థులు : https://youtu.be/APqC1mpF24o

ప్రతి సంవత్సరం విద్యార్థులు గురుకుల సీట్లు సాధించేలా ఉపాధ్యాయులు చేస్తున్న కృషిని సర్పంచ్ సరిత మేడం గారు, SMC చైర్మన్ రాములు గారు & తల్లిదండ్రులు అభినందించారు. 

పేద విద్యార్థులకు నాణ్యమైన విద్యను అందిస్తున్న కృషికి గాను సత్య సాయి సేవ సమితి అచ్చంపేట వారు అభినందించారు . 

మన బాలుర ప్రాథమిక పాఠశాల ఉప్పునుంతల ప్రగతి గురించి SCERT మ్యాగజైన్‌లో ప్రచురించబడింది. 

విద్యార్థుల తల్లిదండ్రుల కోరిక మేరకు ఈ విద్యా సంవత్సరం (2022-23) నుండి మన ప్రభుత్వ పాఠశాలను ప్రభుత్వం ఇంగ్లీషు మీడియంలోకి మార్చడం జరిగింది. విద్యార్థులు ఇంగ్లీషును అర్థం చేసుకోవడం కోసం డిక్షనరీలను నా పుట్టిన రోజు సందర్భంగా 10-08-2022న విద్యార్థులకు పంపిణీ చేయడం జరిగింది. 

మన BPS ఉప్పునుంతలలో పేద విద్యార్థులకు నాణ్యమైన విద్యను అందించేందుకు చేస్తున్న కృషి ని తెలుసుకొని డిజిటల్ తరగతుల నిర్వహణ కోసం కీర్తిశేషులు కుంద చెన్న కేశవులు గారి జ్ఞాపకార్థం వారి కూతురు గౌరవనీయులు కుంద వేద కుమారి,Dy.E.E, మాధవానిపల్లి గారు బాబాసాహెబ్ డాక్టర్ బి.ఆర్ అంబేద్కర్ గారు చూపిన మార్గం సమాజానికి తిరిగి ఇవ్వు(Pay back to the society)లో భాగంగా ప్రొజెక్టర్ అందజేశారు. అక్క గారికి ధన్యవాదాలు.

 డిజిటల్ తరగతుల ప్రారంభోత్సవం : https://youtu.be/8JDbLqtudxQ

అన్ని రంగాల్లో టెక్నాలజీని ఉపయోగించి ఆయా పనులను సులభంగా, వేగంగా చేసి మెరుగైన ఫలితాలు సాధిస్తున్నారు . విద్యా రంగంలో, బోధనలో కూడా టెక్నాలజీ ఉపయోగించి విద్యార్థులకు పాఠాలు సులభంగా అర్థమయ్యేలా కృషి చేస్తున్నాం. 

గోదావరి రచయితల సంఘం వారు అందించిన ఆచార్య పురస్కారం:

మన BPS  ఉప్పునుంతల పాఠశాల అభివృద్ధి గురించి 21-09-2022న ఈనాడు దినపత్రికలో ప్రచురించారు. 

పేద విద్యార్థులకు నాణ్యమైన విద్యను అందించడానికి ఉపాధ్యాయుల సమాలోచన:https://youtu.be/GwiQdj0wANI

ఉపాధ్యాయుల బదిలీ గురించి పేరెంట్స్ దిగులు:https://youtu.be/Nby-eSYAQ1k

ప్రభుత్వ పాఠశాల విద్యార్థులు స్పోకెన్ ఇంగ్లీష్ మాట్లాడేలా కృషి:https://youtu.be/VORZkk7SUbM

మా కూతురు ఐఏఎస్ కావాలని ఉంది సార్:https://youtu.be/SvMhSRw9_io

ప్రభుత్వ పాఠశాలకు కలర్ ప్రింటర్ అందించిన సాఫ్ట్వేర్ ఉద్యోగి ఇమ్మడి సైదులు గారు:https://youtu.be/QI9vRKIxZZQ

ఉపాధ్యాయుల తలుచుకుంటే గొప్ప సమాజాన్ని తయారు చేయొచ్చు:https://youtu.be/aSYk-8mFBuc

సార్ పిల్లలే ప్రభుత్వ పాఠశాలలో చదువుతున్నారు:https://youtu.be/BEv_XUSYYG0 

సులభమైన పద్ధతుల్లో వివిధ విషయాల్లోని అంశాలను బోధిస్తూ వాటిని వీడియోల రూపంలో Easy learning by venkatbta YouTube channel ద్వారా అందించడం జరుగుతుంది:https://youtube.com/@easylearningbyvenkatbta6627

బ్యాంకు సేవల అవగాహన కోసం, ప్రాథమిక స్థాయి నుండే పొదుపును అలవాటు చేయడం కోసం చిల్డ్రన్ బ్యాంకును వెంకటేష్ ‌సార్ మార్గదర్శకత్వంలో విద్యార్థులే నిర్వహిస్తున్నారు.

విద్యార్థులకు ప్రాథమిక స్థాయి నుండి కంప్యూటర్ విద్యను అందించడానికి కంప్యూటర్ ల్యాబ్ కోసం ఇమ్మడి సైదులు గారు సాఫ్ట్వేర్ ఉద్యోగి మరియు ప్రొఫెసర్ మోటమారి మధు గారు రెండు కంప్యూటర్లను పాఠశాలకు విరాళంగా ఇవ్వడం జరిగింది. 

విద్యార్థుల సంపూర్ణ మూర్తిమత్వం కోసం మన బాలుర ప్రాథమిక పాఠశాల ఉప్పునుంతలలో స్పోకెన్ ఇంగ్లీష్, గురుకుల పాఠశాలల ప్రవేశం కోసం, నవోదయ పాఠశాలల ప్రవేశం కోసం ప్రత్యేక తరగతులు, అబాకస్, ఫింగర్ అబాకస్ & చిల్డ్రన్ బ్యాంక్, ప్రత్యేక దినోత్సవాలు, మహనీయులు జయంతులు,బాలల సంఘాలు, బాలల దినోత్సవం, విజ్ఞాన దినోత్సవం, గణితం దినోత్సవం, మాతృ భాష దినోత్సవం, బాలికల దినోత్సవం, భోధనోపకరణాల మేళా, క్విజ్ పోటీలు, ఇంగ్లీష్ స్పెల్ బీ కాంపిటీషన్స్, క్షేత్ర పర్యటనలు, ఆటలు, పాటలు, నాట్యం, నాటకీకరణ, ఉపన్యాసం,చిత్ర లేఖనం మొ.న కార్యక్రమాలు నిర్వహిస్తున్నాము.

మన బాలుర ప్రాథమిక పాఠశాల ఉప్పునుంతలకు ప్రత్యేకంగా వెబ్సైట్ మరియు యూట్యూబ్ ఛానల్ ను ఏర్పాటు చేసి పాఠశాలలో జరిగే వివిధ కార్యక్రమాలను వాటిలో ఉంచి విద్యార్థుల తల్లిదండ్రులకు తెలియజేయడం జరుగుతుంది.

పాఠశాల వెబ్సైట్: http://psuppununthalaboys.blogspot.com

పాఠశాల యూట్యూబ్ ఛానల్: https://youtube.com/@mppsuppununthalaboys?si=gGmQOnne5LvXbkL9

విద్యార్థుల స్పోకెన్ ఇంగ్లీష్ వీడియోలు: https://www.youtube.com/playlist?list=PLXOdSUkwDlXJ-xykno5uVNThjqnpoz1Ly
విద్యారంగంలో పేద విద్యార్థులకు నాణ్యమైన విద్యను అందించడానికి చేస్తున్న కృషికి గాను జిల్లా స్థాయిలో తెలంగాణ అవతరణ దశాబ్ది ఉత్సవాలో భాగంగా విద్యా దినోత్సవం రోజున జిల్లా కలెక్టర్ ఉదయ్ కుమార్ సార్, గౌరవ విప్, MLA లు గువ్వల బాల్ రాజు సార్, జనార్ధన్ రెడ్డి సార్, విద్యా శాఖాధికారి గోవిందా రాజులు సార్ జిల్లా స్థాయిలో ఉత్తమ ఉపాధ్యాయులుగా సన్మానించారు. 

ఇంకా venkatbta యూట్యూబ్ చానెల్ ద్వారా విద్యా,ఉద్యోగ,ఉపాధి& టెక్నాలజీ విషయాలలో ప్రజలను Educate చేయడం జరుగుతుంది.

https://youtube.com/c/venkatbta

ఉద్యోగులు ప్రమోషన్ పొందాలంటే డిపార్ట్‌మెంట్ పరీక్షలు పాస్ కావాల్సి ఉంటుంది. వీటిపై సరైన అవగాహన లేక ఇవి పాస్ కాలేక మళ్ళీ మళ్ళీ ఈ పరీక్షలు రాస్తూ ఉంటారు ఇవి పాస్ కానందుకు కొంత మంది ప్రమోషన్ కోల్పోయిన వారు ఉంటారు. నేను ఈ పరీక్షలు పాసైన తర్వాత ఓకే సారి ఈ డిపార్ట్‌మెంట్ పరీక్షలు ఎలా పాస్ కావాలి అని 2018 డిసెంబర్‌లో వీడియో చేసి యూట్యూబ్ చానెల్‌లో ఉంచడం జరిగింది.

https://youtu.be/0kE9pq1Hw5o

ఈ వీడియోకు ఇప్పటి వరకు సుమారు 1 లక్ష  55 వేల వీక్షణలు వచ్చాయి.

చాలా మంది ఈ వీడియో చూసి మేము ఒకే సారి పాస్ అయ్యామని కామెంట్స్ ద్వారా ఫోన్ ద్వారా తెలిపినప్పుడు చాలా ఆనందంగా ఉంటుంది. ఈ ఆనందాన్ని వెలకట్టలేము.

యూట్యూబ్ ఛానల్, ఫోన్, ఇతర సోషల్ మీడియా ద్వారా అందిస్తున్న సూచనలు, సలహాలు ఎందరో ఉద్యోగార్థులకు, ఉద్యోగులకు, ఉపాధ్యాయులకు, విద్యార్థులకు ఉపయోగపడుతున్నవి.

ఒక ఉద్యోగార్థి స్పందన: https://youtu.be/tND11eCjDOE

2015 జనవరిలో కంప్యూటర్‌లో అను స్క్రిప్ట్ మేనేజర్‌తో తెలుగు టైపింగ్ ఎలా చేయాలో ఇంటర్నెట్ ద్వారా స్వయంగా నేర్చుకొని తర్వాత సులభంగా ఎలా తెలుగు టైపింగ్ చేయాలో చార్ట్ తయారు చేసి www.venkatbta.com వెబ్‌సైట్‌లో పోస్ట్ చేయడం జరిగింది.

యాపిల్ కీబోర్డు ద్వారా తెలుగు టైపింగ్:

https://www.venkatbta.com/2017/03/anu-script-manager-70-apple-key-board.html

రోమా కీబోర్డు ద్వారా తెలుగు టైపింగ్:

https://www.venkatbta.com/2017/03/anu-script-manager-70-roma-key-board.html

వీటిని ఇప్పటి వరకు 2 లక్షల 75 వేల మంది చూశారు.

అదేవిధంగా 2017 లో తెలుగు టైపింగ్ ఎలా చేయాలో రెండు వీడియోలు చేసి యూట్యూబ్ లో పెడితే ఇప్పటి వరకు వాటిని 70 వేల మంది చూశారు.

యాపిల్ కీబోర్డు ద్వారా తెలుగు టైపింగ్ వీడియో:

https://youtu.be/sXnVl3bDORI

రోమా కీబోర్డు ద్వారా తెలుగు టైపింగ్ వీడియో:

https://youtu.be/Ki75CLZ_eqw

ప్రతి రోజూ ఒకరిద్దరైనా ఈ తెలుగు టైపింగ్ గురించి ఫోన్ చేస్తూ ఏవైనా అనుమానాలు ఉంటే నివృత్తి చేసుకొని మీ చార్ట్ వల్ల, వీడియో వల్ల ఇంటి వద్ద సులభంగా తెలుగు టైపింగ్ నేర్చుకొంటున్నాం అని కృతజ్ఞతలు చెబుతుంటే చాలా సంతోషం అనిపిస్తుంది.

జూలై 7, 2021 నుండి విద్యార్థుల కోసం, నిరుద్యోగుల కోసం, ఉపాధ్యాయుల కోసం, ఉద్యోగుల కోసం ప్రతి రోజూ ఉదయం పత్రికలో వచ్చిన విద్యా ఉద్యోగ వార్తలు వాటి విశ్లేషణ ఇవ్వడం జరుగుతుంది:

https://www.youtube.com/playlist?list=PLLC2MA6rGfS2xYGlkfHQJAd6lnw8LimvV

మహనీయుల స్పూర్తితో సమాజాన్ని చైతన్యం చేయడం కోసం అందరికీ విద్యను జ్ఞానాన్ని అందించడం కోసం భారత్ విద్యా ఉద్యమం / Educate India Movement ప్రారంభం :

భారత్ విద్యా ఉద్యమం / Educate India Movement ఉద్దేశం: https://youtu.be/SpjSkIkwNcs

తాధగత బుద్దుడు, మహాత్మా జ్యోతిరావు ఫూలే, సావిత్రి భాయి ఫూలే, భాగ్య రెడ్డి వర్మ, బాబాసాహెబ్ డాక్టర్ బి.ఆర్ అంబేద్కర్ మొదలైన మహనీయులు అందరికీ విద్యను, జ్ఞానాన్ని అందించడానికి, సమాజాన్ని చైతన్యం చేయడానికి ఎంతో కృషి చేశారు. వారి ఆశయ సాధనలో భాగంగా ఎడ్యుకేట్ ఇండియా మూవ్మెంట్/భారత్ విద్యా ఉద్యమం జనవరి 7, 2024 మధ్యాహ్నం 3 గం.లకు మైక్రోసాఫ్ట్ టీమ్స్ యాప్ ద్వారా ఆన్లైన్ సమావేశం నిర్వహించి ప్రారంభించడం జరిగింది. ఈ ఉద్యమం ద్వారా పే బ్యాక్ టు ది సొసైటీలో భాగంగా వీలైన వారు ప్రతి రోజూ ఉదయం లేదా సాయంత్రం వారి గ్రామంలో ఉండే విద్యార్థులకు 1 గంట పాటు విద్యార్థులకు విద్యను బోధించడం జరుగుతుంది. సమయం ఇవ్వలేని వారు ఈ ఉద్యమానికి ఆర్థికంగా సహకరించవచ్చు. 

ఐదో తరగతి విద్యార్థులకు ఉచితంగా గురుకుల ప్రవేశ పరీక్ష స్టడీ మెటీరియల్ పంపిణి:

ఉచిత 5వ తరగతి గురుకుల పాఠశాలల ప్రవేశ పరీక్ష అన్ని ఆన్లైన్ తరగతులను కింది లింక్ ద్వారా వినవచ్చు :

https://youtu.be/SpjSkIkwNcs?si=dYi9yG2roDCIKaQJ

ఈ సందర్భంగా ఉద్యమ వ్యవస్థాపకులు టీచర్ గాజుల వెంకటేష్ గారు, సహా వ్యవస్థాపకులు భౌతిక గారి ఆధ్వర్యంలో జనవరి 8, 2024 నుండి మైక్రోసాఫ్ట్ టీమ్స్ యాప్ ద్వారా ఉచిత గురుకుల ప్రవేశ పరీక్ష ఆన్లైన్ తరగతులు రోజూ ఉదయం 6:30 గం.ల నుండి 7:30 గం.ల వరకు & సాయంత్రం 5:30 గం.ల నుండి 6:30 గం.ల వరకు నిర్వహిస్తున్నారు. ఈ ఉచిత ఆన్లైన్ తరగతులు ఉపయోగించుకోవడానికి మొబైల్ నెం. 9052492491 ను సంప్రదించగలరు. 

పేద విద్యార్థులు గురుకుల సీట్లు సాధించడానికి మరియు వారికి నాణ్యమైన విద్యను అందించడానికి కృషి చేస్తున్నందుకు గాను బాలుర ప్రాథమిక పాఠశాల ఉప్పునుంతల విద్యార్థుల తల్లిదండ్రులు మరియు గ్రామ పెద్దల ఆధ్వర్యంలో సన్మానించడం జరిగింది. విద్య ద్వారానే మన బ్రతుకులు బాగుపడుతవి, పేదరికం పోతుంది, సమాజంలో గౌరవం లభిస్తుంది. అందుకోసం అందరం శక్తి మేరకు కృషి చేద్దాం! 

అదేవిధంగా విద్యార్థులకు విద్య యొక్క ప్రాముఖ్యతను తెలియజేయడానికి మరియు వారు మెరుగైన ఫలితాలు సాధించడానికి ప్రేరణ తరగతులను కూడా నిర్వహించడం జరుగుతుంది: 

అచ్చంపేట  సాంఘిక సంక్షేమ గురుకుల పాఠశాల విద్యార్థులకు ప్రేరణ తరగతులు. 

అమ్రాబాద్ మండలం మన్ననూర్ సాంఘిక సంక్షేమ గురుకుల పాఠశాల విద్యార్థులకు ప్రేరణ తరగతులు. 

తెలకపల్లి మండలం జడ్పీహెచ్ఎస్ పెద్దూరు పాఠశాల విద్యార్థులకు ప్రేరణ తరగతులు. 

అచ్చంపేట ఎస్సీ హాస్టల్ విద్యార్థులకు ప్రేరణ తరగతులు:

కస్తూర్బా గాంధీ విద్యాలయం ఉప్పునుంతల విద్యార్థినీలకు ప్రేరణ తరగతులు:

మూఢనమ్మకాలు మరియు వ్యసనాలను తగ్గించి ప్రజల్లో చైతన్యం తేవడానికి మాధవానిపల్లి గ్రామంలో నిర్వహించిన చైతన్య కార్యక్రమం. 

మనకు తెలిసిన విద్యను, జ్ఞానాన్ని సమాజానికి పంచడంలో చాలా ఆనందం ఉంటుంది.

ఇలా ప్రతి ఒక్కరి  జీవితంలో ఎదుగుదలను ఒక్కసారి గుర్తు చేసుకుంటే ఎంతో స్ఫూర్తి వస్తుంది. మనలాగే సమాజంలోని మరింతమంది ఎదగడానికి అదే స్ఫూర్తితో మనవంతు ప్రయత్నం చేద్దాం.

పేద ప్రజలకు విద్యను అందుబాటులోకి తేవడానికి మనం ఈ రోజు ఈ స్థాయిలో ఉండడానికి, హక్కులు కల్పించడానికి మహనీయులు గౌతమ బుద్ధుడు, పూలే దంపతులు, బాబాసాహెబ్ డాక్టర్ బి.ఆర్ అంబేద్కర్, భాగ్యరెడ్డి వర్మ మొదలైన వారు ఎన్నో అవమానాలు భరించి, ఎన్నో పోరాటాలు చేసి వారి జీవితాలను సహితం త్యాగం చేసి మనకు ఈ అవకాశాలు కల్పించారు.

అందుకే వారి ఆశయ సాధన కోసం, మహనీయుల భావజాల వ్యాప్తి కోసం, మూఢనమ్మకాలు మరియు వ్యసనాల నిర్మూలన కోసం, మెరుగైన సమాజం నిర్మాణం కోసం బహుజన ఉపాధ్యాయ సంఘం (BTA) లో నాగర్ కర్నూల్ జిల్లా అధ్యక్షులుగా ఉంటూ సమాజ చైతన్యం కోసం, పేద విద్యార్థులకు నాణ్యమైన విద్యను అందించడం కోసం & వివిధ సామాజిక అంశాలపై కృషి చేయడం జరుగుతుంది. 

మహనీయుల స్ఫూర్తితో వారు చూపిన పే బ్యాక్ టు ది సొసైటీ లో భాగంగా వారి ఆశయ సాధన కోసం మేము చేస్తున్న ఈ చిరు ప్రయత్నం మాకు చాలా సంతృప్తినిస్తుంది.

జై భీమ్!

We are because They were.